Posts Tagged ‘Mata’afa

05
Apr
09

Tala I Le Mafua’aga Ua Aliita’i Ai Faleata I Le Suafa Faumuina: Fonoti Le Tupu.

O LE TALA I LE MAFUA’AGA UA ALI’ITA’I AI FALEATA I LE SUAFA FAUMUINA

Ua maliu Tuia’ana Faumuina le Tupufia ona tau ai lea o le taua ina ua fia tupu uma le fanau a Faumuina, e iai Fonoti, o le teine o Samala’ulu, ma Va’afusuaga Tole’afoa; “Tupufia o le Faumuina”.

Ona papae ai lea o lo latou taua i Leulumoega. Ua uma le taua ua manumalo Fonoti ma avea ma Tupu Tafa’ifa o Samoa. Ona finagalo ai lea o le tupu e fia asia le itumalo o Faleata. Ona o le tasi lenei o itumalo na tau malosi i le itutaua a le Tupu o Fonoti. O Fonoti o lona tina Manalelei po’o Talaleomalie, o Manalelei Talaleomalie o lona tina Aloalonei, o Aloalonei o lona tina Unusialetoa, o Unusialetoa o lona tina Letele-o-Talaia le alo o Mata’afa o Ululoloa i Faleata, o le fai’a lea a Fonoti le Tupu ma Faleata i lena vaitau o le soifuaga.

Na malaga ai lea o le Tupu o Fonoti i Faleata. O iai i Vaimoso le tagata malosi ma le toa lenei e igoa ia Tiufea. Ona alu ane ai lea o Tiufea ia Fonoti ma lana manulele. Ua fa’alele manu nei le Tupu o Fonoti ma Tiufea. Ua fa’alele e le Tupu o Fonoti le manulele a Tiufea, ua lele aluga ma ifo mai ma tu i le a’ao o le Tupu. Ona fa’alele lea e Tiufea o lana manulele, ua na ona apata e fia lele ma pa’u mai ua tu i le ua o Tiufea. Ua fa’apea lava ona faia e le manulele le apata e fia lele, ma pa’u mai ma tu i le ua o Tiufea.

Ona malele lea o le Tupu o Fonoti ia Tiufea ma Faleata a’o potopoto iai ma le Tupu. “Tiufea! Tu’u lou igoa o Tiufea, ae o le a e igoa ia ‘Manuleleua’ e manatua ai pea e Faleata lenei lava aso.” O lona tau, O le’a ou ‘Une’ lou Ao o le ‘Mata’afa i Atua’. Ae aumai le suafa o lo’u tama o ‘Faumuina ete Aliita’i iai (Faleata)‘. O to’oto’o fo’i ia o i Faleata Sasa’e ua fa iai to’oto’o o Faleata e o’o mai i aso nei. “Puni loa le Mata’afa, ae puni matatogo Faleata”.

GAFA O MANALELEI TALALEOMALIE LE TINA O LE TUPU O FONOTI:
TUI-FITI LE TUPU ANAMUA O FITI:
1. Usu Tui-Fiti ia Si’uuilasisifo le alo o Tui-Atua Puluitua faae’e le gafa o Fata po’o Fata-igoatele (tama). [: Suafa “Fata” o Lotofaga le Aiga Salevalasi]
2. Usu #2 Fata po’o Fataigoatele ia Sinasinavaiao le alo o Tuiatua Fogalepulu o Etemuli faae’e le gafa, o Fata (ii), po’o Fata-levave (tama).
3. Usu Fata (ii), po’o Fatalevave ile tama’ita’i o Fulu’ula-ale-matoto o le ilamutu o Tui-Fiti i Lotofaga, fa’aee le gafa: o Leu (teine).
4. Usuia Leu e Matasepu o Lepa, fa’aee le gafa: o Tau’iliili (tama), ma Talalaufala (teine).
TUI-ATUA LE TUPU O ATUA:
5. Usu mai le Tuiatua Fa’asoutele o Ti’avea ia Talalaufala, fa’aee le gafa: o Fililesalue (teine).
6. Usuia Fililesalue e Leali’ifanovalevale i Palauli, fa’aee le gafa: o Popoai (teine), Taufaito’a (teine).
TUI-TOGA LE TUPU O TONGA:
7. Usuia Popoai e le #1 Tui-Toga (viii), faaee le gafa: o Togialelei (maliu, e le’i usu gafa), ma Tuiavi’i (tama).
8. Usuia Taufaito’a e le #2 Tui-Toga (viii), fa’aee le gafa o Tui-Toga Puipuifatu (tama: Fanaua Tui-Toga Manaia na usu ia Nafanua, Tui-Toga Faisautele na usu ia Painuulasi)
9. Usu #1 Tuiavi’i ia Siaposuisui le afafine o Pei i Sagafili, faaee le gafa: o Tuifa’asisina (tama: fa’avae gafa o Lilomaiava)
10. Toe usu #2 Tuiavi’i ia Letele Talaeia le afafine o Mata’afa i Ululoloa Faleata, fa’aee le gafa o Taua’aletoa (tama), ma Unisialetoa (teine).
11. Usuia Unisialetoa e Malietoa Sa o Mulifanua, fa’aee le gafa o Togia, Ifopo, ma Aloalonei (teine).
12. Usuia Aloalonei e Vaovasa o Gataivai i Savaii, fa’aee le gafa o Manalelei Talaleomalie (teine).
13. Usuia Manalelei po’o Talaleomalie e Tuia’ana Tuiatua Faumuina Le Tupufia, fa’aee le gafa o Fonoti (tama ulumatua “Ole Alii o Aiga”, ma le Tupu Tafa’ifa o Samoa).

(“e ufiufi a le tama’imoa i le tanoa, ae ioio lava..”)


Advertisements
24
Nov
08

LAND & TITLE COURT FINAL DECISION: FIAME MATA’AFA VS FONOTI IOANE BROWN 1952

NOTE: Click on each image to enlarge size:

FONOTI MATA’UTIA IOANE BROWN O LOTOFAGA ATUA ILE AIGA PA’IA O SA-LEVALASI, MA FIAME MATA’AFA FAUMUINA MULINUU (II) MA SALEVALASI. OLE FA’AIUGA ILE FA’AMASINOGA I MULINUU SAMOA LANDS & TITLE COURT 1952.

suafa-fonoti-of-lotofaga11suafa-fonoti-of-lotofaga22suafa-fonoti-of-lotofaga33suafa-fonoti-of-lotofaga44suafa-fonoti-of-lotofaga55suafa-fonoti-of-lotofaga66suafa-fonoti-of-lotofaga77– –

TALA I LE MAFUA’AGA UA ALI’ITA’I AI FALEATA I LE SUAFA FAUMUINA LE TUPUFIA

Ua maliu Tuia’ana Tuiatua Faumuina le Tupufia ona tau ai lea o le taua ina ua fia Tupu uma le fanau a Faumuina, e iai Fonoti, o le teine o Samala’ulu, ma Va’afusuaga Tole’afoa; “le Tupufia o le Faumuina”.

Ona papae ai lea o lo latou taua i Leulumoega e ta’ua o le taua o le Paegauo, o le taua po’o ai o le a e’e iai Papa. O le vevesiga ma le a’afia uma ai o Samoa ona po’o ai o le a Tupu. Ua uma le taua ua manumalo Fonoti ona o le tulaga fulisia o Samoa sa lagolago ia te ia. Ona faae’e ai lea o Papa e fa o le Tuiatua, Tuia’ana, Vaetamasoali’i, ma le Gatoaitele ia Fonoti ma avea ai ma Tupu Tafa’ifa o Samoa. Ona finagalo lea o le Tupu e fia asia le Itumalo o Faleata. Ona o le tasi lenei o Itumalo na tau malosi i le itu taua a le Tupu o Fonoti ma ona tofiga ‘O Faleata, o le Itu Autasi ia Lufilufi ma Leulumoega ma Tuisamau. ‘O le ava a Faleata e fevala’aua’i. Na fa’apea ai fo’i se fuaitau; “O le sola a Faleata e sola ae vave mai”.

O Fonoti o lona tina Manalelei po’o Talaleomalie, o Manalelei Talaleomalie o lona tina Aloalonei, o Aloalonei o lona tina Unusialetoa, o Unusialetoa o lona tina Letele-o-Talaia le alo o Mata’afa o Ululoloa i Faleata, o le fai’a lea a Fonoti le Tupu ma Faleata i lena vaitau o le soifuaga.

Na malaga ai lea o le Tupu o Fonoti i Faleata. O iai i Vaimoso le tagata malosi ma le toa lenei e igoa ia Tiufea. Ona alu ane ai lea o Tiufea ia Fonoti ma lana manulele. Ua fa’alele manu nei le Tupu o Fonoti ma Tiufea. Ua fa’alele e le Tupu o Fonoti le manulele a Tiufea, ua lele aluga ma ifo mai ma tu i le a’ao o le Tupu. Ona fa’alele lea e Tiufea o lana manulele, ua na ona apata e fia lele ma pa’u mai ua tu i le ua o Tiufea. Ua fa’apea lava ona faia e le manulele le apata e fia lele, ma pa’u mai ma tu i le ua o Tiufea.

Ona malele lea o le Tupu o Fonoti ia Tiufea ma Faleata a’o potopoto iai ma le Tupu e fa’apea: “Tiufea, tu’u lou igoa o Tiufea, ae o le a e igoa ia ‘Manuleleua’ e manatua ai pea e Faleata lenei lava aso.” O lona tau, o le’a ou ‘Une’ lou Ao o le ‘Mata’afa i Atua’. Ae aumai le Suafa o lo’u tama o ‘Faumuina ete Ali’ita’i iai (Faleata)’. O to’oto’o fo’i ia o i Faleata Sasa’e ua fa iai to’oto’o o Faleata e o’o mai i aso nei. “Puni loa le Mata’afa, ae puni matatogo Faleata”.

O LE GAFA O MANALELEI TALALEOMALIE LE TINA O LE TUPU TAFA’IFA O FONOTI:
Usu #2 Tuiavi’i le alo o Tui-Toga (viii) ia Letele Talaeia le alo o Mata’afa i Ululoloa Faleata, fa’aee le gafa o Taua’aletoa (tama), ma Unisialetoa (teine).
Usuia Unisialetoa e Malietoa Sa o Mulifanua, fa’aee le gafa o Togia, Ifopo, ma Aloalonei (teine).
Usuia Aloalonei e Vaovasa o Gataivai i Savaii, fa’aee le gafa o Manalelei (teine: po’o Talaleomalie).
Usuia Manalelei po’o Talaleomalie e Tuia’ana Tuiatua Faumuina Le Tupufia, fa’aee le gafa o Fonoti (tama ulumatua “Ole Alii o Aiga”, ma le Tupu Tafa’ifa o Samoa).

Usu #1 Fonoti le Tupu Tafa’ifa ia Fuatino le alo o To’alepaiali’i i Satapuala Aiga Satuala, fa’aee le gafa: o Muagututi’a (tama ulumatua ‘O le Alii o aiga’).
Usu #1 Muagututi’a ia Poto le alo Amituana’i Manaia o Si’ufaitoto’a i Faleata, fa’aee le gafa: o Seutatia (teine ulumatua ‘Feagaiga ale Aiga’, na tofia e ala’ala ile Maota o Mulinu’u Lalogafu’afu’a ma Sepolata’emo i Lufilufi o Tumua Atua).
Usuia Seutatia o Mulinu’u i Lufilufi e Lilomaiava Nailevai’iliili o Palauli i Savai’i, fa’aee le gafa: o Nofoa-tolu Lilomaiava Vae-ole-nofoa-fia (tama: Ulua’i suafa ‘Nofoatolu’ na e’e ile Maota o Mulinu’u Lalogafu’afu’a ma Sepolata’emo i Lufilufi o Tumua Atua)
Usu Nofoatolu Lilomaiava Vaeolenofoafia ia Sinaivaiana le alo o Va’afusuaga o Faga i Savai’i, fa’aee le gafa: o Fonoti Nofoatolu Laufeti’iti’i (tama) [Fonoti o Lotofaga Atua].
Usu Fonoti Nofoatolu Laufeti’iti’i o Mulinu’u i Lufilufi ia Va’asa le alo o Fiame Muagututi’a le Sa’ofaapito ma le Aiga Pa’ia o Salevalasi i Lotofaga Atua, fa’aee le gafa: o Fonoti Oliovaigafa (tama ulumatua ‘O le Alii o aiga’), Nofoatolu Ti’auliva’a (i), ma Lagouta (teine) – [Sa-Fonoti o Lotofaga Atua]
(O Fonoti Oliovaigafa na ai Ali’i mai iai Molio’o ma le Ailaoa e fai ma o latou Ali’i e iai le ulua’i Suafa Fonoti sa ala’ala i lona Maota o ‘Vainiu’ i Faleapuna. Na maliu ai lava le Ali’i ma sa lagomau ai lava. E pa, e leai sona suli. Ae fa’asolo le Suafa ma le gafa o Fonoti le Tupu Tafa’ifa i Lotofaga Atua i suli o Nofoatolu Ti’auliva’a, ma le teine o Lagouta).
(“Fonoti o Lotofaga i Atua o suli tau toto ma le suafa o Fonoti le Tupu Tafa’ifa o Samoa”)

O Va’asa o le alo o Fiame Muagututi’a, o le tasi ole to’afa o lo’o fa’alupe nei i Lotofaga o “Alo-tau-tino ole Sa’ofa’apito ua Fiame”. Ole to’afa lenei e filifili po’o ai so latou suli e nofoia le suafa Fiame, pe’a avanoa. Na usu Fiame Muagututi’a ia Masu le alo o Sitagata Timalesa o Lotofaga fotuai mai o Leaegalesolo (tama), Fuiava’iliili (tama), Va’asa (teine), ma Va’aloa (teine). O le Mavaega a Fiame Muagututi’a Le Sa’ofa’apito o le Aiga Pa’ia o Sa-Levalasi i Lotofaga Atua, E na’o i la’ua teine o Va’asa: Fonoti, ma Va’aloa: Fiame na tofia e alaala (Maota) i gatai’ala i Mala’e i Mulifusi ma Tanumaleu, po’o le Malae o Papa o le Aiga Pa’ia o Sa-Levalasi i Lotofaga Atua.

O LE FIAME LE SA’OFA’APITO MA LE AIGA PA’IA O SALEVALASI I LE MALAE O LOTOFAGA I ATUA

Na ta’oto le fa’atafa o le Tupu Tafa’ifa o Salamasina ile Malae o Mulifusi i Matafagatele, ua ta’ua nei ole Malae o Lotofaga i Atua i aso nei. Na to’ai le toma’aga a Manalelei Talaleomalie ia Tupuola Folopapa i Tanumaleu, ole Malae ua ta’úa o Lotofaga i Atua i aso nei. Ona o’o mai lea ile taimi o Fiame Muagututi’a o ia lea na fa’ato’a sa’ofa’apito ole Malae ua ta’ua nei o Lotofaga i Atua, le Maota o Fiame le Sa’ofa’apito Muagututi’a o Lotofaga Atua. Ole Malae ole fa’autugatagi.

O le ulua’i Fiame o Ufui’avaopupu i Tanumaleu po’o le Malae o Lotofaga i Atua lea ua ta’ua ai nei, na usu ia Levalasi le alo o Tapu o Letaupe i Mata’tufu, fotuai mai o alii nei o Tuiatua, ma le alii o Muagututi’a lea na soso’o ma lona tama ile nofoia ole Fiame. O Fiame Muagututi’a na si’í e Mata’tufu i lalo i Matafagatele, o le ala lea ua ali’i ta’i ai ia Fiame ma sa’ofa’apito iai e o’o mai ile taimi nei ile Malae o Lotofaga i Atua. O ulua’i sa’o sa ala’ala i Tanumaleu lea ua ta’ua nei ole Malae o Lotofaga i Atua, o Tupuola ma Seinafolava. O lo la fa’alagina e fa’apea: Afio mai e na ulua’i sa’o Tupuola ma Seinafolava, Afio mai le fale agafulu o Fiame, Afio mai le falevalu o Seinafolava, Afio mai fa’aulu’ulu Teoteo ma Tumanuvao, Afio mai le ali’i ole ao le tupe na tago’esea Amituana’i, Maliu mai ali’imau o faleupolu Fa’atili ma Lemauga, Susu mai Sitagata ma le va’á na taumualasi ma le aiga Sasitagata, mamalu mai le faleatua.

TOFIGA O LE MALO A FONOTI LE TUPU TAFA’FA O SAMOA (Since: 1600AD)

FA’ALUPEGA AOAO O SAMOA; Tumua ma Pule, Itu’au ma Alataua, Aiga ile tai, ma le Va’a o Fonoti.
TE’O; ‘O oe o le Anava o Taua, ‘Ma lou Manu Samoa.
FIA’AITAGATA; ‘O au Suafa ia o Fatialofa, ma Auelua. ‘O le a fai i la’ua ma Tulauniu o Atua, ‘Punefu o Atua, ‘To’oto’o o le Tuiatua.
MATA’UTIA; ‘O le Va’a o Fonoti, ‘O le Malu o Ma’auga – Leulumoega, ma Lalogafu’afu’a, Lufilufi. ‘Fea, o le Va’a o Fonoti, ‘O fea fo’i e Fa’aopea ia Atua le Fauono.
MOLIO’O; ‘O oe o le Va’a o Fonoti, ‘O oe o le To’o o le Fua.
LEUTELE (Falefa); ‘O oe o le A’ai o le Tupu o Fonoti! ‘Falefa (District), Sanone, Gagaemalae, Saleapaga, Sagapolu, Falevao, Sauago, Saletele, Uafato.
TOFAEONO; ‘E Ono Pou o Lufilufi, Fitu ia te oe. ‘E Iva Pou o Leulumoega, Sefulu ia te oe. ‘E Fitu Pou o le Malietoa, Valu ia te oe. ‘E Tolu Pou o Satunumafono, Fa ia te oe.
O LE VA’A O FONOTI: Samamea, Ma’asina, Lona, Taelefaga, Salimu ma Ma’auga, Musumusu, Falefa, Sanone, Gagaemalae, Saleapaga, Sagapolu, Falevao, Sauago, Saletele, Uafato, Lalomauga, Manunu, Faleapuna, Lufilufi, Saluafata, Fusi, Salelesi Safanua, Fagaloa, Solosolo, Luatuanu’u.
TUMUA O ASIATA: Ole a Falefa Tumua ia te oe (Sa’iliga Malo o Asiata ia Fonoti).

O LE MAVAEGA A FONOTI LE TUPU TAFA’IFA MA LONA USO O VA’AFUSUAGA TOLE’AFOA

Na iloa atu e Tumua ua afio atu Tole’afoa, ona fai atu lea, afio mai i le Maota e te lua talatala ma le Tupu. Tali Tole’afoa, leai oute ava i Tumua, ua lava a’u i lalo o le ulu lea. Ae sa augani atu lona aiga ma Tumua, afio ane ia i le Maota. Na faofale loa Tole’afoa ma sa faa’alia lava lona fa’aaloalo ia Fonoti, ua faae’e o ia i le pou pepe o le isi tala o le Maota o Mulinu’u Lalogafu’afu’a ma Sepolata’emo i Lufilufi Atua.

Ona agiagi atu ai lea o Fonoti le Tupu Tafa’ifa e fa’apea: Tole’afoa e, afio mai o le a totofi ata mea, au’a le nofo lelei ai o lau fanau ma la’u fanau i le lumana’i. O Papa e fa, o le a ia te a’u ma la’u fanau. A’o le Ao o le Tonumaipe’a, o le a ia te oe ma lau fanau. O le a e saofia le Aumaga, o le mea lea e ta’ua ai le Aumaga e Pa’ia, ona o le Ao o Tonumaipe’a ua iai. E te afio i le fala, Na’o oe lava e te nofo i le fala i fafo, E sa se isi o le Aumaga e nofo ise fala. A uma ona mama o le ava, e tu lava le tagata i luga ma lana maga’ava ma tu’u i le tanoa, a’o lau maga’ava e tu mai se tasi na te avatua, ona aumai lea o le tanoa tu i ou luma. A leai se Tupu e alagaina e Tumua, O le a e Tuia’ana Ave’aumalaga. O le a fa’asino fo’i ia te oe upu o le Aualuma. O lou Aualuma o le a tausi e Leulumoega ma e na ta’i Fasito’o-tai ma Fasito’o-uta.

A e toe tago mai i a’u mea, e sauaina oe i le aufuefue ma soloa i le vailalo ma lau fanau. A ou tago atu i au mea ia fa’apea fo’i ona soloa a’u i le aufuefue ma tafea i le vailalo ma la’u fanau.

O le Mavaega lea nai Mulinu’u Lalogafu’afu’a ma Sepolata’emo i Lufilufi Atua a Fonoti le Tupu Tafa’ifa ma lona uso o Va’afusu’aga Tole’afoa, o lo’o tausi iai Samoa i lenei Mavaega e o’o mai i le aso. E tele isi mea ta’ua na maua mai e tagata i le na aso mai tofiga a le Tupu o Fonoti ina o le a maliu. O lea lava e o’o mai i le aso ana tulaga mamalu. E le mafai ona suia ma o lo’o aga’i pea iai fa’aupuga a Samoa i ana mea e fai.

Fai mai le Tupu Tafa’ifa o Fonoti, “E lelepa ia te a’u le vai.” E le toe faia nisi tofiga ma nisi mavaega ua gata ai ia te ia. “O Samoa ua uma ona tofi”.

(“e ufiufi a le tama’imoa i le tanoa, ae ioio lava..”)

——————————–

16
Nov
08

Genealogy of Mata’afa Title in Ululoloa to Amaile: Aiga o Sa-Levalasi Atua.

.1. MATA’AFA TITLE FROM ULULOLOA FALEATA TO AMAILE: SA-LEVALASI ATUA:
Usu Tui-Fiti ia Si’uuilasisifo le alo o Tui-Atua Puluitua faae’e le gafa o Fata, po’o Fata-igoatele (Suafa “Fata” o Lotofaga le Aiga Salevalasi).
Usu #1 Fata po’o Fatai-goatele ia Maugaoal’i ile Vaimauga ole Mafa, faaee le gafa o Puatau.
Toe usu #2 Fata po’o Fataigoatele ia Sinasinavaiao le alo o Tuiatua Fogalepulu o Etemuli faae’e le gafa, o Fata (ii), po’o Fata-levave.
Usu Fata (ii) po’o Fata-levave ile tama’ita’i o Fulu’ula-ale-matoto o le ilamutu o Tui-fiti i Lotofaga, fa’aee le gafa: o Leu (teine).
Usuia Leu e Mulisepu, fa’aee le gafa: o Tau’iliili, ma Talalaufala (teine) – (Ona tofia lea o Tauili’ili e lona tama, e alu i Amaile e tapega le a’ai e taunu’u iai le Ali’i o Aiga).
Usuia Talalaufala e le Tuiatua Fa’asoutele i Ti’avea, fa’aee le gafa: o Fililesalue (teine).
Usuia Fililesalue e Leali’ifanovalevale i Palauli, fa’aee le gafa: o Popoai (teine), ma Taufaito’a (teine).
Usuia Popoai e le Tui-Toga, faaee le gafa o Togialelei, ma Tuiavi’i.
Toe usuia Taufaito’a le uso o Popoai e le Tui-Toga, faaee le gafa o Puipuifatu.
Usu Tui-Toga Puipuifatu ia Pulu-mata-moana le alo o Hulu-a-talala o Toga, faaee le gafa o Manaia (tama), ma Faisautele (tama).
Usu Tui-Toga Manaia ia Nafanua le alo o Savea Si’uleo, fa’aee le gafa: o Latuvai (teine).
Usu Tui-Toga Faisautele ia Si’ueatausilinu’u, po’o Painu’ulasi le alo ole Tui-Manu’a, faaee le gafa o Vaetoefaga, ma Ulualofaiga (tama).
Usu #1 Tuiavi’i ia Siaposuisui le afafine o Pei i Sagafili, fa’aee le gafa: Tuifa’asisina (tama: founder of Lilomaiava line: Tuifa’asisina + Ta’atiaifaleolo = Tiumalumatua + Maseima’ava = Tuimalumalilomaiava + Fuataifa’aula = Lilomaiava Nailevai’iliili.).
Toe usu #2 Tuiavi’i ia Letele Talaeia le afafine o Mata’afa i Ululoloa Faleata, fa’aee le gafa: o Taua’aletoa (tama), ma Unisialetoa (teine).
(Unisialetoa + Malietoa Sa = Aloalonei + Vaovasa = Manalelei + Faumuina = King Fonoti.)
Usu #1 Taua’aletoa ia Manunutumate le afafine o Leago Tusi i Safata, fa’aee le gafa: o Mata’utia Le toa.
Toe usu #2 Taua’aletoa ia Palolo le afafine o Lolofie i Lepa, fa’aee le gafa: o Tuilimu (tama).
Toe usu #3 Taua’aletoa ia Suluaso le afafine o Les’a i Satitoa, fa’aee le gafa: o Faliuila.
Toe usu #4 Taua’aletoa ia Falenaoti Fufe’ai le afafine o Tau’iliili i Amaile, fa’aee le gafa: o Tupuola, Tago, ma Pafuti (teine).
Usu Tago ia Momoemai’asa le afafine o Tau’iliili i Amaile, fa’aee le gafa: o Suluo’o (teine), Leilua, Fatialofa, Fa’aautatanu (teine).
Usuia Suluo’o e Togafau (lineage of Taufau Tuia’ana), fa’aee le gafa: o ILimatogafau (tama).
Usu #1 ILimatogafau ia Letele Taneolevao le afafine o Letele i Faleata, fa’aee le gafa: Tuimavave (tama: Amaile).
Toe usu #2 ILimatogafau ia Tautu’uitumu le afafine o Leatigaga i Salelologa, fa’aee le gafa: o Luamanuvae (tama).
Usu #1 Tuimavave ia Salaina’aloa le afafine o Luafalemana (le uso o Galumalemana), fa’aee le gafa: o Fa’asuamaleaui (tama: eldest ‘O Le Alii O Aiga).
Toe usu #2 Tuimavave ia To’oa le afafine o Malietoa Tuilaepa, fa’aee le gafa: o Tuitogamatoe (teine), ma Tau,iliili (tama).
Toe usu #3 Tuimavave ia Letelesa le afafine o Faumuina i Faleata, fa’aee le gafa: o Silupevailei (tama: youngest from third spouse)
*Usu Mata’afa Fa’asuamaleaui ia Leativaosalafai le afafine o Lealamanu’a, fa’aee le gafa: o Mata’afa Filisounu’u (tama: Amaile)

2. LAGI MUAGUTUTI’A LINE – LEATIVAOSALAFAI + FA’ASUAMALEAUI MATA’AFA:
Usu #1 Muagututi’a le atalii o Fonoti le Tupu ia Poto le afafine o Amituana’amanaia o Si’ufaitoto’a i Faleata, fa’aee le gafa: o Seutatia (teine: ulumatua ‘Feagaiga A Le Aiga’).
Toe usu #2 Muagututi’a ia Agaitafili le afafine o Lilo Seve o Salega i Savai’i, fa’aee le gafa: o Mata’utia (tama), Fualau (tama), ma Talopatina (teine).
Toe usu #3 Muagututi’a ia Taumata le afafine o Toa’ali’i i Saluafata, fa’aee le gafa: o Fepulea’i (tama), ma Lagi (teine).
Toe usu #4 Muagututi’a ia Fenunuivao le afafine o Leutele i Falefa, fa’aee le gafa: e le fanau, Tupua Fuiava’iliili (tama fai: atalii o Fuimaono ma Oilau o Falealili)).
Usuia Lagi Muagututi’a e Aumoemalogo le atalii o Leotatoga ia Oilau le afafine o Fanene i falealili, fa’aee le gafa: o Lealamanu’a (tama).
Usu Lealamanu’a ia Sina le afafine o Anae i Falelatai, fa’aee le gafa: o Loavaenono (tama).
Toe usu Lealamanu’a ia Va’afusumataala le afafine o Tagaloa i Tufu i Gautavai/Sili Savaii, fa’aee le gafa: o Leativaosalafai (teine).
*Usuia Leativaosalafai e Fa’asuamaleaui Mata’afa i Amaile le atalii o Tuimavave ia Salaina’aloa, fa’aee le gafa: o Mata’afa Filisounu’u (tama: Amaile)

3. FA’ASUAMALEAUI’S DESENDANTS CONFERRED THE MATA’AFA TITLE ON HON FONOTI MATA’UTIA IOANE BROWN IN 1939: Refer to book ‘Tama a Aiga’ by M. Tuimalealiifano
– Fa’asuamaleaui is the eldest (O le Alii O Aiga) son of Tuimavave from his first spouse Salaina’aloa. As Silupevailei younger from Tuimavave third spouse Letelesa.
– Fa’asuamaleaui Mata’afa + Leativaosalafai – Lagi Muagututi’a line.
– Fonoti Lotofaga line – Lagi Muagututi’a – Leativaosalafai + Mata’afa Fa’asuamaleaui in Amaile
– Mata’afa Amaile title was always held by Fa’asuamaleaui line until in 1939 that Fa’asuamaleaui’s desendants conferred the Mata’afa title to Hon Fonoti Mata’utia Ioane Brown, and Silupevailei line for the first time lodged a claim in court for the title by installing Fiame Faumuina Mulinu’u (i). The court decision ruled in favor Silupevailei line to have rights for the first time to the Mata’afa title and conferred it to Fiame Faumuina Mata’afa Mulinu’u (i) of Silupevailei line.
– Why was the title allowed to moved from one line to one that had never held it before? The answer may lie in Mulinu’u’s connections.
– Fiame Faumuina Mata’afa Mulinu’u (i) died in 1949 and the two family line Fa’asuamaleaui and Silupevailei in court. Silupevailei line argued and asked the court to give them another turn on the title as they only held it for 10 years. So the court in 1949 accepted the argument, and awarded the title to the deceased titleholders son Fiame Mata’afa Faumuina Mulinu’u (ii), and Fa’asuamaleaui line to have the next turn to the title Mata’afa.
– In 1977 Fiame Faumuina Mata’afa Mulinu’u (ii) died and the two family line Fa’asuamaleaui and Silupevailei in court. The decision was made back in 1949 by the court for Fa’asuamaleaui line for there turn to the title, and the title Mata’afa was conferred to Fa’asuamaleaui Pu’ela of Vaiala in 1977. NOTE: The court in 1977 did not made any decision on which of the two family line to have the next turn to the title.
– Fa’asuamaleaui Pu’ela died and the title Mata’afa is vacant to this day..
– Fa’asuamaleaui line desendants conferred the Mata’afa title on Hon Fonoti Mata’utia Ioane Brown back in 1939 still stands..

4. NOTE: TITLE FIAME LE SA’OFAAPITO OF LOTOFAGA: Only the Va’aloa and Va’asa line have made claim and successor to the title at this stage. They are the two daughters from the four children of Fiame Muagututi’a of Aiga Pa’ia o Sa-Levalasi at Lotofaga Atua. Hon Fonoti Mata’utia Ioane Brown is a direct desendant of Va’asa. Hon Fonoti Mata’utia Ioane Brown family the Sa-Fonoti of Va’asa line Lotofaga and Va’aloa line with Mata’afa Faumuina Mulinuu family are the successors to take turns on the title ‘Fiame Le Sa’ofaapito’ ma le Aiga Pa’ia o Sa-Levalasi i Lotofaga, Atua.

5. FONOTI OF LOTOFAGA WITH FIAME LE SA’OFA’APITO AND LE AIGA PAIA O SA-LEVALASI IN LOTOFAGA ATUA: Fonoti of Lotofaga is the true heir of Va’asa, the daughter of Fiame Le Sa’ofa’apito Muagututi’a and Le Aiga Pa’ia o Sa-Levalasi in Lotofaga Atua. If the family wants to decide on someone to be bestowed with the title Fiame Le Sa’ofa’apito when the high chief (Sa’o) dies, Fonoti of Lotofaga is the one to face the Aiga Sa-Fiame and the Sa’ofa’apito. The title Fonoti of Lotofaga is also the true heir of Taufagalupe, the daughter of Seinafolava at Lotofaga, the first Teoteo title who is mostly respected by Le Aiga Pa’ia o Sa-Levalasi. The title Teoteo is an ‘igagato’, a title name given from afioga Leota To’omata of Falelimu Solosolo to Taufagalupe. Sumuane’s sister who was the wife of the Alii is the cause of the relationship between Sa-Levalasi and Leota To’omata. That pule ends with the title Fonoti of Lotofaga the Sa-Fonoti Va’asa’s true heirs.

6. GAFA O FIAME LE SA’OFAAPITO MA LE AIGA PA’IA O SA-LEVALASI I LOTOFAGA ATUA:
Usu #2 Tuiavi’i ia Leteleotalaia le afafine o Mata’afa i Ululoloa faaee le gafa o Taua’aletoa (tama), ma Unusialetoa (teine).
Usu#4 Taua’aletoa ia Falenaoti le afafine o Tauilili i Amaile faaee le gafa o Tago (tama) ,Tupuola (tama), ma Pafuti (teine).
Usu Tupuola le atalii o Tauiliili i Amaile ia Lifuti le afafine o Loai i Lotofaga faaee le gafa o Seigafolava (tama).
Usu Seigafolava ia Taufagalupe le afafine o Leilua i Sagone faaee le gafa o Samataua Siuolosega (tama).
Usu Samatau’a Siolosega ia Sivaenae le alo o Po’elaga i Lepa, fa’aee le gafa: o Fiame Ufi’avaopupu (tama: Ole Ulua’i Fiame o Lotofaga), ma Taufau (teine).
Usu Fiame Ufi’avaopupu ia Levalasi le alo o Tapu o Letaupe i Mata’tufu, fa’aee le gafa: o Tuiatua (tama matua: Ole Ali’i o Aiga), ma Muagututi’a (tama: o Muagututi’a lea na suafa ia Fiame o Lotofaga, na soso’o mai i lona tama o Fiame Ufi’avaopupu. Ole Malae o Lotofaga fa’ato’a maua ia Fiame Muagututi’á na si’í e Matatufu i lalo i Matafagatele, o le ala lea ua ali’i ta’i ai ia Fiame ma sa’ofa’apito iai).
Usu Fiame Muagututi’a le Sa’ofaapito ia Masu le alo o Sitagata Timalesa i Lotofaga, fa’aee le gafa: o Leaegalesolo (tama), Fuiava’iliili (tama), Va’asa (teine), ma Va’aloa (teine) – (Ole fanau to’afa lenei o lo’o fa’alupe nei i Lotofaga o “Alo-tau-tino ole Sa’ofa’apito ua Fiame” Ole to’afa lenei e filifili po’o ai so latou suli e nofoia le suafa Fiame, pe’a avanoa).
Usuia Va’asa e Fonoti Nofoatolu Laufeti’iti’i mai Mulinu’u i Lufilufi, fa’aee le gafa: o Fonoti Oliovaigafa (tama), Nofoatolu Ti’auliva’a (tama), ma Lagouta (teine) – [Fonoti of Lotofaga Atua].
Usuia Va’aloa e Luafalemana mai Falefa, faaee le gafa: o Naimanuoletuavao (teine), ma Samugapua’a (tama).
Usuia Naimanuoletuavao e Lesiolagi Falatugatuga mai Salani, faaee le gafa: o Taufagalupe (teine).
Usuia Taufagalupe e Sagapolutele mai Muatele i Aleipata, faaee le gafa: o Faulalo (tama), ma Tuafuamamao (teine).
Usu Faulalo ia Tualauie, faaee le gafa: o Fiame Fa’atala Sipaia (tama).
Toe usu Faulalo i le afafine o Puni i Samatau, faaee le gafa: o Tinifu.
Toe usu Faulalo ia Talalaupola le afafine o Tupuola i Ma’asina i Fagaloa, faaee le gafa: o Aigatupu (teine).
Usuia Tuafuamamao e Leiataua mai Manono, faaee le gafa: o Mulinu’u (tama).
Usu Mulinu’u ia Tina le afafine o Tuitama i Faleasi’u, faaee le gafa: o Salaevalu (teine).
Usuia Salaevalu e Faumuina Tafamanu Misimoa mai Lepea i Faleata, faaee le gafa: o Fiame Mata’afa Faumuina Mulinuu (i).

O le mavaega a Fiame Muagututi’a, E na’o i la’ua teine o Va’asa: Fonoti, ma Va’aloa: Fiame na tofia e alaala (Maota) i gatai’ala i Mala’e i Mulifusi ma Tanumaleu, po’o le Malae o Papa o le Aiga Pa’ia o Sa-Levalasi i Lotofaga Atua.

Click on the following link below to view related article with title court final decision documents on Fiame Mata’afa Faumuina Mulinuu (ii) & Others Vs Fonoti Mata’utia Ioane Brown of Lotofaga Atua in 1952;
Link: CourtDocuments

– –




BLOG CALENDAR

November 2017
M T W T F S S
« Apr    
 12345
6789101112
13141516171819
20212223242526
27282930  

BLOG TOP CLICKS

BLOG STATS

  • 116,658 hits

BLOG ARCHIVE